Илон Маск гради метро за автомобили со педесет станици – билетот ќе чини 6 долари

ОБЈАВЕНО НА:

Компанијата The Boring Company, која е во сопственост на Илон Маск, се договори со властите на американската сојузна држава Невада за развој на мрежа од брзи подземни тунели Vegas Loop. Според проектот, се предвидува изградба на тунели во должина од 46 километри, по кои ќе бидат лоцирани 51 станица. Така, со помош на специјални „капсули“ ќе може да се стигне до која било точка во Лас Вегас. Надоместокот за користење на тунелот ќе биде шест долари.

Амбициозниот проект на Илон Маск вклучува изградба на широка мрежа на тунели во близина на Лас Вегас. Во првата фаза, до средината на следната година, експертите планираат да изградат од пет до десет станици. Како резултат на тоа, инженерите на Boring Company ќе ставаат во функција 20 станици секоја година, кои ќе ги поврзуваат клучните инфраструктурни објекти во градот. Според шефот на компанијата Стив Дејвис, капацитетот на автомобилското „метро“ ќе биде до 57.000 патници на час.

Наместо вагони во подземните тунели ќе се движат иновативни „капсули“. Покрај тоа, патниците ќе можат без застанување да стигнат до посакуваното место. На пример, ќе бидат потребни четири минути за да стигнете од конгресниот центар во Лас Вегас до стадионот Алегианте, кој се наоѓа шест километри подалеку.

Во моментов претставниците на The Boring Company го договараат со државните органи првиот пакет документи, кој ќе овозможи прелиминарно планирање на локацијата. Во иднина, градежната компанија ќе треба да добие дозвола од раководството на Невада за изградба на секоја станица. Сепак, се уште не знае кога ќе почне изградбата.

 

Следете не и на:

24AUTO NETWORK