Десетте најдолги автомобилски патишта низ светот

ОБЈАВЕНО НА:

Долгите патувања со автомобил често знаат да бидат многу интересни. Тешко дека има многу нешта кои можат да бидат така пријатни и да опуштаат како нив. Пред вас се стотици километри, а единствените две важни работи се горивото во резервоарот и крајот на патот – пишуваат Architectural Digest.

Затоа доколку сте се прашувале кои се долгите магистрали во светот тогаш можете да ги погледнете во продолжение.

По овие патишта можете да ги направите најдолгите и најпредизвикувачки патешествија.

  1. Меѓународна магистрала 80

Долга е 2899 милји. Меѓународната магистрала 80 почнува во Тинек, Њу Џерси и минува низ 11 градови, а крајот е во Сан Франциско.

  1. Меѓународна магистрала 90

Долга е нешто над 3000 милји, а магистралата 90 е најдолгата меѓународна магистрала во САД. Почнува во Бостон, а патот минува низ северната половина на земјата сè до Сиетл. Меѓу овие два града I-90 минува низ околу 11 градови.

  1. Американски пат 6

Минувајќи низ целата територија на земјата. US Route 6 почнува во Масачусетс и завршува во Калифорнија во близина на границата со Невада. Целата магистрала има 3199 милји.

  1. Американски пат 20

Должината е 3365 милји, а Американскиот пат 20 оди од исток кон запад минувајќи низ 12 градови. Завршен е во 1926 година, а почнува од Бостон и завршува во Њупорт во Орегон.

  1. Кинеска национална магистрала

Кинеската национална магистрала е најдолгата во земјата со вкупно 3541 милја. Таа се движи од Тонджијан во источниот дел на земјата до Сања, на јужниот крај до Јужнокинеското море.

  1. Национална магистрала на Индија

Ја нарекуваат и Златниот квадрат (Golden Quadrilateral) е најголемиот магистрален проект во Индија и поврзува многу од големите градови во земјата. Со должина од 3632 милји бетонски пат ги поврзува Делхи, Мумбаи, Калкута и Ченаи, Пуне, Ахмедабад, Џајпур, Канпур, Сура и Бангалор.

  1. Трансканадска магистрала

Таа е со должина од 4860 милји. Ја пресекува цела Канада од исток кон запад.

  1. Трансибирска магистрала

Оваа магистрала е неофицијалното име на систем од патишта која почнува во Санкт Петербург и минува низ 6835 милји во срцето на Русија пред да заврши во Владивосток, далечниот источен крај на Русија во непосредна близина до Тихиот океан.

  1. Магистрала 1

Австралиската Магистрала 1 минува низ целиот континент и минува низ 9000 милји. Ги поминва сите поголеми градови, а патот минува низ широк спектар од терени како тропска кал, пустини и океанско крајбрежје.

  1. Панамериканската магистрала

Се простира на терен во должина од 19.000 милји (околу 30.000 километри). Панамериканскаа магистрала е најдолгиот автомобилски пат на светот. Почнува во Придхоу Беј на Алјаска и се движи кон југ притоа минувајќи низ Канада, САД, Мексико и Централна Америка, а потоа достигнува до Јужна Америка минувајќи низ Колумбија, Еквадор, Перу и Чиле за на крајот да заврши на јужниот крај на Аргентина.

Следете не и на:

24AUTO NETWORK