Популарноста на електричните автомобили расте постојано, а нивните обожаватели ширум светот се зголемуваат. Некои сериозно размислуваат за купување такво возило, други се интересираат за нивните предности, но факт е дека се зголемува побарувачката за нив. И не само на пазарот и во салоните, туку и на интернет преку различните пребарувачи.
Статистиката на partcatalog.com покажува кои се најпопуларните автомобили на Google во 2021 година, поделени по модел.
Не е изненадување што Tesla води на ранг-листата и четирите актуелни модели на компанијата се тие што ги водат резултатите во Google. Податоците го покажуваат просечниот број месечни пребарувања на Google за секој од автомобилите.
Tesla Model 3 е на првото место со 2.240.000 пребарувања, додека поголемиот Model S е на второ место со 1.500.000 пребарувања. Четирите се затворени од Tesla Model Y и Model X со по 1.220.000 пребарувања.
Групацијата Volkswagen исто така има силно присуство и предизвикува интерес кај луѓето. Audi E-Tron може да се пофали со 1.000.000 пребарувања, споделувајќи податоци со друг претставник на VW Group, Porsche Taycan. Во рангирањето го додаваме VW ID.4 со 823.000 пребарувања, потоа Kia EV6 и IONIQ 5 со 673.000 пребарувања. Истиот резултат го има и Polestar 2.
Следете не и на:
