Легендата на Михаел Шумахер има зацементирана во аналите на историјата на Ф1, а сега еден важен дел од таа историја е на продажба. RM Sotheby’s го продава Ferrari F2003-GA од 2003 година на аукција.
Со тој болид и шасијата број 229 Шумахер петпати победуваше и уште двапати беше на пиедесталот. На крајот од сезоната ја освои и шампионската титула.
И покрај жестоката борба со шампионските ривали како Хуан Пабло Монтоја и Кими Раиконен, оваа шасија е една од само четирите од ерата на Шумахер со пет или повеќе победи. Дополнително, ова е автомобилот што му го донесе шестиот светски шампионат и му помогна да го собори рекордот поставен со децении порано од легендарниот Хуан Мануел Фанџо.
Придвижуван од бучен 3,0-литарски V10 мотор, кој може да стигне до 19.000 вртежи во минута и да генерира 845 КС. Моторот и болидот беа ремонтирани од одделот на Ferrari Formula 1 Clienti оваа година и F2003-GA се продава во целосна состојба.
Се проценува дека автомобилот што се продава преку RM Sotheby’s вреди од 7,5 до 9,5 милиони долари, според проценителите на аукциската куќа. Неверојатно важниот дел од историјата на Ф1, Ferrari F2003-GA на Михаел Шумахер ќе се појави низ аукцискиот блок на 9 ноември 2022 година.
Следете не и на:
