Еден круг го делеа Марко Блажевски од триумф во генерален пласман на Twingo Cup трката во Австрија, и поради гужва на патеката со возилата пто заостануваат тој ја загуби лидерската предност и на целта стигна како тертопласиран во конкуренција на 31 автомобил. Во првенството на Македонија за Блажевски ова беше втор триумф викендов, откако триумфираше и на првата трка утринава. Со новите 20 бода, тој е нов лидер во првенството на Македонија.
Блажевски беше многу блислку до својата втора победа во Twingo Cup во генерален пасман, и во голем дел од трката во оние 25 минути колку што се вози беше на лидерската позиција, или пак во Топ-3. На подиумот во првенството на Македонија се искачија и Владимир Тренески кој беше второпласиран, и Ангелче Стојковски го освои третото место.
За Стојковски ова е прво искачување на подиумот сезонава, а лани двапати се искачуваше на трките меѓшу тројцата најдобри.
Блажевски ја почна трката од петтата позиција на која и ја заврши првата трка. Уште во првите два круга успеа да скокне неколку места и да стигне до второто место. Потоа беше постојано во Топ-3 и се бореше за победата. Во последните кругови почнаа да се престигнуваат и оние возачи кои застануваа за цел круг, а во една таква ситуација Блажевски немаше простор брзо да го мине возачот пред себе, и тоа го искористи Ник Стефанчиќ кој веднаш избор на лидерското место.
View this post on Instagram
Пех на трката имаше Давид Малинковски, победникот на втората трка во Унгарија. Тој беше второпласиран на првата трка утринава, но сега имаше проблеми со автомобилот и на крајот мораше да се откаже.
Следната трка треба да се вози на 23 и 24 јули на патеката Гробник во Хрватска.
