Audi објави дека компанијата моментално спроведува тестови во екстремни зимски услови со прототипи блиски до сериската верзија на целосно новиот и 100% електричен модел Q6 e-tron.
Audi Q6 e-tron е првиот автомобил на брендот развиен врз основа на новата PPE (Premium Platform Electric) платформа (800V), која, според најавата на компанијата, е опремена со моќни и високоефикасни електрични мотори и иновативна батерија и систем за полнење.
„Прототипот Q6 e-tron, кој е блиску до сериската верзија, го означува следниот голем чекор во електрификацијата и дигитализацијата на палетата на модели на Audi“, објави брендот.
Од Audi велат дека целосно електричниот Q6 e-tron, кој ќе биде достапен на пазарот во SUV и Sportback верзии, е само почеток на најголемата моделска офанзива во историјата на марката.
Според стратегијата на компанијата, до 2025 година се предвидени пазарни лансирања на повеќе од 20 нови модели, од кои повеќе од 10 ќе бидат целосно електрични автомобили.
Следете не и на:
