Клуб од Англија, Supercar Driver направи несекојдневен собир на спортски автомобили на едно место. За време на годинешниот првиот собир на едно место се најдоа голем број на суперспортски автомобили, а нивната вкупна цена достигнува над 85 милиони евра.
За време на овој собир кој се одвиваше на крајот на минатиот месец Secret Supercar Meet 2018 на пистата Bruntingthorpe Proving Ground, беа собрани поддржувачите на брзините и на спортските автомобили, а тие и покрај лошото време можеа да уживаат гледајќи 300 егзотични модели. Воедно во тие денови биле собрани и повеќе од 22.000 англиски фунти во добротворни цели (Bluebell Wood Children’s Hospice).
Од клубот Supercar Driver велат дека само во првиот ред на традиционалната фотографија на собирот има автомобили со вкупна цена од над 20 милиони англиски фунти, а станува збор за возила од типот Koenigsegg Agera, Ferrari F50, Ferrari Enzo, Bugatti Veyron, Pagani Zonda F и Aston Martin One-77.
Вториот ред бил посветен на модели од Англија, а тука акцентот е ставен на E-Type, TVR Speed 12, Jaguar XJ220, Noble M600 и други.
Следете не и на:
