Volkswagen со нов „тркач“ – Моделот Up! ќе има GTI верзија

ОБЈАВЕНО НА:

Volkswagen можеби ќе направи ревизија на своите планови со моделите и нивните мотори по аферата Дизелгејт, но сигурно е дека нивниот фокус нема да биде само на електрификација на возилата.

Германците тврдат дека работат на најсилната верзија на нивниот мал автомобил – Up!, што треба да стане GTI. Од AutoExpress тврдат дека ова треба да се случи во следните 12 месеци, а дека тие веќе возеле некој прототип во Јужна Африка, и впечатоците се позитивни.

2017-vw-up-5

Градското возило треба да го користи 1,0 литарскиот три цилиндричен турбо мотор, со зголемена компресија и висок притисок во турбото. Ќе може да испорача 114 КС, и за 8,8 секунди да „дигне“ до 100 км/ч. Моторот ќе биде заедно со шест степен мануелен менувач, а не се знае се уште дали ќе има и автоматски во понудата.

Од визуелен аспект VW Up! GTI од позади ќе има мал спојлер, и повидливи издувни цевки, додека во внатрешноста ќе предничи спортскиот управувач и рачката на менувачот, црна инструмент табал со мали црвени точки, и нова ткаенина на седиштата.

2017-vw-up-1

Се најавува дека за 12 месеци моделот ќе се нуди во продажба. Останува да се види дали нешто спортско ќе се понуди и за „браќата близнаци“, како Seat Mii и Skoda Citigo.

Следете не и на:

24AUTO NETWORK