Државниците имаат различни вкусови и потреби кога станува збор за официјалните службени возила што треба да ги користат. Некои преферираат Cadillac, а некои повеќе му веруваат на Mercedes Pullman.
Ова се најчесто многу скапи и опремени со голем број технолошки новитети, и пред се отпорни на куршуми, па понекогаш и на поголем калибар.
Доколку сакате да имате ваков автомобил, односно Mercedes-Benz S600 Pullman Guard од 19995 година, тогаш можете да го контактирате продавачот на mobile.de кој за овој модел бара 1,3 милиони евра. Кој знае, можеби ќе можете и да се исценкате па да ја спуштите цената.
Но, по што е ова возило посебно, нормално освен што се работи за блиндирано возило. Ова е првото државно возило што го користел Владимир Путин. Потоа тој ќе си добие персонализирано Porsche; а во возниот парк ќе има и BMW 7 series.
Путин во 1999 беше премиер, пред да биде претседател, а овој модел бил користен и од други државни лица пред него. Се претпоставува дека во него се возиел дури и Борис Јелцин, што му дава уште поголема историска вредност.
Лумузината е отпорна на Б6/Б7 ниво на балистичка заштита, има три реда на седишта, и 6.0 V12 литарски мотор што во тоа време бил со 394 КС. Сега, како споредба истата сила се добива од 2.0 литарски турбо мотор, а денешниот модел S600 има 523 КС, а AMG S65 дури 621 КС.
Моделот што е даден на продажба има минато само 25.000 километри, и за него извесен Сергеј Уров од Моска бара 1,3 милиони евра.
Следете не и на:
