Ford Focus со нова задна камера

ОБЈАВЕНО НА:

Покрај бројните новитети кои се дел од новата, четврта генерација на Ford Focus, во понудата доаѓа уште еден новитет. Станува збор за целосно нова, широкоаголна задна камера со што се олеснува возењето наназад.

Возењето наназад односно рикверц знае да биде голем проблем особено во ситуации кога нема доволно добра странична прегледност поради другите паралелно паркирани автомобили. Со новата камера која е дел од новиот Focus, овој, но и други слични проблеми се надминати и тоа благодарение на 180 степенската камера, сместена над позицијата за регистарска табличка.

Оваа камера покрива широк агол зад автомобилот и му помага на возачот за полесно и побезбедно паркирање и возење во рикверц, а истовремено ја зголемува и безбедноста и на другите учесници во сообраќајот, вклучувајќи ги тука и пешаците и велосипедистите.

Покрај оваа камера, инжинерите во Ford посветија големо внимание и на другите безбедносни системи. Така во новиот Focus се наоѓа адаптивниот темпомат со stop&go функција, систем за препознавање на знаковите за ограничена брзина, систем за преминување на друга лента и слично.

Со ова Focus може да го понесе епитетот на најбезбеден автомобил, а воедно без проблем да се прилагоди на најновите регулативи во САД и Европската Унија во поглед на безбедноста во сообраќајот.

Следете не и на:

24AUTO NETWORK