Македонија
Македонска премиера на новиот Porsche Taycan
Porsche Taycan го претставува врвот на електричните перформанси, беспрекорно ја интегрира брзината со неспоредлива ефикасност. Како прв електричен спортски автомобил од Porsche, новиот Taycan, ги редефинира границите на автомобилското инженерство, нудејќи возачко искуство кое е возбудливо колку што е и еколошки свесно.
„Денес одбележуваме клучен момент во автомобилската историја додека гордо го откриваме олицетворението на електричните перформанси: новиот Porsche Taycan,“ изјави г-дин Златко Муцунски – Генерален Директор на Порше Македонија. „Создаден од наследството на извонредност и ковано во огнот на иновациите, Taycan ја претставува кулминацијата на немилосрдното тежнеење на Porsche за совршенство. Подгответе се да бидете воодушевени од неговото наелектризирано присуство, возбудливи перформанси и бескомпромисна посветеност кон одржливоста.“
Присутните на лансирањето имаа ексклузивна можност да го запознаат новиот и целосно електричен Taycan. Од неверојатниот дизајн посветен на перформанси и аеродинамика, до врвните материјали користени во изработка на внатрешноста, Taycan го прикажува неограничениот потенцијал на електричната мобилност.
„Воодушевени сме што го претставуваме новиот Porsche Taycan на толку живописно и еколошко свесно место“, изјави г-дин Винко Марашевиќ – Porsche Бренд Менаџер. „Ботаничката градина совршено ја доловува хармонијата помеѓу природата и иновациите која ги дефинира Taycan. Овој настан не го прославува само претставувањето на ова извонредно возило туку и нашата заедничка визија за одржливата иднина. Придружете ни се додека тргнуваме на патување каде традицијата се среќава со иднината и каде секоја кривина на патот станува тестамент за искуството во возењето на Porsche.“
Официјалната презентација на новиот Porsche Taycan претставува конвергенција на два света – автомобилизмот и природата – кои со помош на Porsche. се спојуваат во совршена хармонија. Тоа е сведоштво за непоколебливата посветеност на Porsche да ги помести границите на она што е можно. Електрифицираното патување кон иднината на мобилноста започна, заедно ќе го редефинираме начинот на кој возиме и ќе го отвориме патот за позелен и еколошки одржлив свет.
ВЕСТИ
Првиот автомобил на Huawei ќе има досег до 800 км.
Ако за телефоните на Huawei се знае дека се навистина квалитетни, тоа истото сега се очекува и од автомобилот што е веќе спремен. Моделот наречен Luxeed S7 ќе се натпреварува со големите електрични седани како BMW i5 или Tesla Model S. Автомобилот е заеднички развиен од технолошкиот гигант Huawei и кинескиот производител на автомобили Chery и е долга речиси пет метри (497 см).
Дизајнот е очекувано модерен, прилагоден на најновата мода на електричните автомобили. Истото важи и за внатрешноста, која е пример за минимализам со два екрани и отсуство на функционални копчиња.
Важен, од технолошки аспект, е оперативниот систем HarmonyOS, кој е ист како кај паметните телефони или таблети од кинескиот бренд. Тој е одговорен за управување со мултимедијалниот систем и поврзувањето.
Друг технолошки аспект е автономното возење, што се должи на комплексниот систем ADS 2.0 на Huawei, кој интегрира 11 камери со висока резолуција, 12 ултразвучни радари и LiDAR сензор. Постои и вештачка интелигенција.
Понудата се состои од две верзии, едната со погон на задните тркала со 215 kW (288 КС) и другата со погон на сите тркала која развива 365 kW (489 КС) и може да забрза од 0 до 100 km/h за 3,3 секунди. Со послаба варијанта се споменува домет од дури 800 km, а батериите се производ на кинескиот CATL.
Со цена од 33.000 евра во Кина, овој модел е на ниво на помалиот Tesla Model 3, што е уште една голема предност на Luxeed или Huawei.
МАГАЗИН
ПЕСИМИСТИЧКА ПРОГНОЗА: До 2050 година се уште ќе доминираат бензинците и дизелашите
„Со сегашната стапка на електрификација, дури и ако можеме да ја одржиме, до 2050 година повеќето автомобили на патиштата сè уште ќе имаат, и мора да имаат, мотори со внатрешно согорување“. Ова е прогноза на Ричард Хамонд, поранешниот водител на Top Gear и The Grand Tour,
Познатиот Хамонд смета дека повеќето автомобили сè уште ќе имаат мотори со внатрешно согорување во 2050 година, со оглед на моменталната стапка на електрификација на возилата.
„Електричните автомобили ќе бидат дел од сликата, секако дека се. Но, со сегашната стапка на електрификација, дури и ако можеме да ја продолжиме, што не можеме затоа што Кина ни ги лишува минералите од ретки земји што ни се потребни, до 2050 година повеќето автомобили на патиштата сè уште ќе имаат, и мора да имаат, внатрешна мотори со согорување“, изјави Хамонд за Телеграф.
Спротивно на верувањето дека возачите на Z генерацијата не се „љубители на автомобили“, тој рече дека неговата 23-годишна ќерка Изи поминала 20.000 километри во првата година од возењето, имајќи предвид дека таа се потпирала на својот автомобил додека живеела на село.
Имајќи предвид дека по откажувањето на The Grand Tour и „паузата“ на Top Gear, на телевизија нема „високо“ автомобилско шоу, 54-годишната легендарна водителка, која светската слава ја стекна и со спектакуларен пад со Rimac Concept One, сугерираше дека можеби ќе има потреба од телевизиска програма за информирање на гледачите за самоуправувачките и електричните возила.
Автоспорт
Давидовски со бодови – Џиролами со подиум
Виктор Давидовски и на втората трка од TCR Europe првенството освои бодови за тимот на Monlau Motor, a неговиот клупски колега Франко Џиролами беше втор на целта, но го задржа лидерството во генерален пласман.
Нашиот возач на втората трка стартуваше од вториот ред, како третопласиран. Имаше лош старт и веднаш падна неколку места подоле, во мешаницата на патеката. Додека Давдовски се мачеше да се искачи неко еместо погоре, Џиролами брзо за само четири кругови стигна на третата позиција.
Се до 14 круг беше трет, а потоа изби место погоре и како второпласиран стигна на целта. Давидовски беше во борба за 7-8 место, а на крај сепак остана како деветти.
Со новите бодови Давидовски остана осмопласиран во генерален пласман. Следната трка се вози на патеката Золдер на 18 и 19 мај.
Генерален пласман:
Џиролами - 85 бода
Комте - 80
Монтенегро - 58
Балдан - 55
Ф.Фернандез - 51
Андерсон 36
Борковиќ - 29
Давидовски - 28
Лосонци - 27
Сканфандл - 27
ДОДАТОЦИ
Bentley лансираше парфем со мирисот на „нов автомобил“.
Мирисот на нов автомобил е нешто што им е познато на мнозинството љубители на автомобили. Многу компании нудат парфеми со сличен мирис, но сега Bentely отиде чекор понапред и објави дека создале нов мирис за мажи.
Компанијата тврди дека е инспирирана од моделите Blackline на британскиот бренд за луксузни автомобили, кои доаѓаат со затемнети детали наместо вообичаените хромирани елементи.
Официјално наречен Bentley For Men Black Edition, новиот машки парфем доаѓа во шише кое личи на скроен смокинг, дизајнирано да ги одразува линиите и облините на Bentley, велат од компанијата.
Со црно стакло, шишето има и дискретни сребрено-бели ленти, полиран сребрен метален печат со логото на производителот на автомобили и сребрено капаче опкружено со препознатливиот грабач на Bentley што се наоѓа во внатрешноста на сите автомобили на марката.
Bentley For Men Black Edition Eau De Parfum
цената е 69 фунти за 100ml
Може да се нарача на shop.bentleymotors.com