И Шваке потврди: Opel Zafira останува шампион

Независните пазарни набљудувачи на Schwacke (Шваке) и магазинот за автомобили AutoBild им им дадоа почест на возилата со најстабилна вредност во Германија. Откако го освои првото место минатата година, Zafira повторно ја освои титулата во компактната класа. Со резидуална (остаточна) вредност од 53,61 проценти по четири години и 80,000 километри, Zafira1 повторно ја зазема врвот во предвидувањата на Schwacke. Флексибилното возило на Opel е редовен кандидат за ова признание за стабилност на вредноста: моделот сега по петти пат ја освои наградата. "Opel Zafira е најдобриот пример за доверливоста на возилата од Риселсхајм. Нашиот компактен ван сјае не само со својот сестран концепт на седење за седум патници, туку и со задржување на вредноста. Нашата посветеност е да ги направиме најсовремените автомобили и технологии достапни за нашите клиенти. Ова јавклучува и економичноста. И експертите од Schwacke потврдуваат дека Zafira навистина се исплати ", рече ЈиргенКелер, извршен директор за продажба, маркетинг и постпродажба во Германија на церемонијата на доделувањето во Берлин. Opel ADAM2 и Opel Insignia Grand Sport3 се исто така меѓу лидерите во нивните сегменти. Индивидуалниот урбан автомобил го освои второто место во годинешната мини категорија (56,66 проценти остаточна вредност), а динамичната и елегантна лимузина Insignia Grand Sport го зеде третото место во средната класа (52,30 проценти остаточна вредност). Еднаш годишно, Schwacke (Шваке) ги разграничува моделите кои имаат најниска амортизација, при што експертите даваат прогноза за четири години. Одредувањето на резидуалната (остаточна)  вредност е сложен процес во кој Шваке исто така го испитува и оценува концептот на возилото, квалитетот и дизајнот, опсегот на опремата и додатоците, цената, оперативните трошоци, како и животниот циклус на возилата.

Fifth Gear се враќа на екраните

Тимот на британската автомобилска емисија Fifth Gear веќе работи на снимањето на новата сезона. Оваа информација ја сподели водителот Тиф Нијдел на Твитер, што значи дека шоуто се враќа на екраните. Пред две години се случи повлекување на ова шоу поради финансиски проблеми, но очигледно е дека тие се надминати, па новите епизоди ќе почнат да се емитуваат од септември. Заедно со Тиф Нијдел на екренот се враќа и вториот водител Џејсон Плејто, додека учеството на Вики Батлер-Хендерсон и Џони Смит е неизвесно. Професионалниот пилот Тиф Нијдел со создаде Fifth Gear во 2002 година кога BBC го запре претходниот проект Top Gear.

Бузалковски реди победи во БМУ шампионатот

Мотоциклистот од Македонија, Христијан Бузалковски од Ендуро тим Водно продолжува со победите во БМУ шампионатот во класата СП125. Новиот триумф доаѓа на патеката во Плевен во Бугарија каде уште еднаш немаше конкуренција и продолжува со доминацијата која ја почна уште од стартот на сезоната. Тој уште во квалификациите покажа дека е одлично подготвен и на трката со одлично возење и контрола успеа да се избори за нов триумф со што останува цврсто на врвот во генералниот пласман. Во Плевен Бузалковски настапи и на трката во класата Ф600. Тоа беше прв негов настап сезонава откако на првите четири трки се соочи со проблеми со моторот. Во оваа класа финишираше на 9. позиција. Македонија имаше и четворица претставници во Ф1000. Таму Слободан Ивчевски (Сакамото МК), кој ја брани титулата од минатата сезона финишираше на 4. место. Игор Спиров (Ендуро тим Водно), кој е вицешампион поради проблеми со моторот на крајот заврши на 8. позиција, додека Благоја Мартиновски (Ендуро тим Водно), кој првпат е на патеката сезонава го освои 12. место. Четвртиот македонски натпреварувач, Сашо Николов (МК Мотори) не успеа да ја финишира трката и мораше да се откаже после два круга. Следните возбудувања во БМУ шампионатот ќе бидат на патеката во Серес во Грција. Тоа ќе биде викенд со две трки на 7 и 8 јули. Овие две трки воедно ќе се бодуваат и за шампионатот на Македонија.

Мини 4G смартфон кој е отпорен на удари и работи под вода

Водоотпорниот смартфон Unihertz Atom е интересен не само со своите размери туку и до можностите кои ги има. Се работи за смартфон кој поддржува 4G врска и има уште неколку други опции. Новиот модел располага со 2.45 инчен екран со резолуција од 240х432 пиксели, а покриен е со стакло Corning Gorilla Glass. Процесотот е осцилирачки на часовна фреквенција од два гигахерци. Оперативната меморија е 4 гигабајти, додека вградената е 54 гигабајти. Мини смартфонот исто така е опремен со камера од осум мегапиксели и 16 мегапикселна глава. Операцискиот систем е Android 8.1 Oreo. Овој телефон е водоотпорен и отпорен на удари, а со тоа овој телефон ги исполнува IP68 стандардите  и може да работи дури и под вода. Неговата цена е 220 долари.